کراچی: جناح اسپتال کے زہر خورانی وارڈ میں اچانک آگ بھڑک اٹھی

کراچی میں واقع جناح اسپتال کے زہر خورانی وارڈ میں اچانک آگ بھڑک اٹھی، جس کے باعث وارڈ میں موجود مریضوں اور طبی عملے میں خوف و ہراس پھیل گیا۔ ترجمان جناح اسپتال کے مطابق آگ وارڈ میں نصب ایئرکنڈیشنر میں لگی، تاہم اسپتال انتظامیہ نے بروقت کارروائی کرتے ہوئے آدھے گھنٹے کے اندر آگ پر قابو پالیا۔ ترجمان ڈاکٹر وقاص خان نے بتایا کہ واقعے میں کوئی جانی نقصان نہیں ہوا، البتہ آگ لگنے سے کچھ مشینری کو نقصان پہنچا ہے۔ اسپتال انتظامیہ نے صورتحال کو فوری طور پر قابو میں لے کر معمول کی سرگرمیاں بحال کر دیں۔

source https://www.express.pk/story/2816274/karachi-a-sudden-fire-broke-out-in-the-poisoning-ward-of-jinnah-hospital-2816274/